Erakundeen lankidetzarako harremanak ezarri ziren bi eskualdeen artean duela ia 20 urte.

Hurbiltasuna: hizkuntza komuna, hau da, euskara, eta kultura komuna izateaz gainera, “bizitzeko arte” bera dute nolabait bi lurraldeek.

• Historia: lankidetza-funts bat sortu zen, duela 20 urte, Akitaniaren eta Euskadiren artean. Horri esker, hainbat proiektu gauzatu ahal izan dira mugen bi aldeetako eragileen artean (unibertsitateak, zentro teknologikoak, lanbide-heziketako edo laneratzeko ikastetxeak, kultura-elkarteak, antzerki-konpainiak, kirol-elkarteak, drogen kontsumoa prebenitzeko elkarteak…)

Espazio europarreko bi eskualdeen arteko lankidetza urteetan zehar:

1982az geroztik – Bi eskualdeek lankidetzan jarduten dute Pirinioetako Lantaldearen baitan. Gaur egun, mugaz haraindiko programa europar bat kudeatzen du lantaldeak, POCTEFA deritzona (Espainia-Frantzia-Andorraren arteko Mugaz Haraindiko Lankidetzarako Programa Operatiboa).

Era berea, Europako zenbait eskualde-saretako kide dira bi eskualdeak. Honako hauek dira sare horiek: Europako Eskualde Mugakideen Elkartea (ARFE), Europako Eskualdeen eta Jatorriko Produktuen Elkartea (AREPO), Europako Baratze eta Fruitu Eskualdeen Elkartea (AREFLH), OGM-Free, Itsas Eskualde Periferikoen Konferentzia (CRMP – Arku Atlantikoa), Mendiko Zinegotzien Europako Elkartea (AEEM)… Bestalde, zenbait programa europarretan parte hartzen dute: ANCORIM, ARCOPOL, REVERSE, INTERBIO2, CFA-EFFIPLAT, ROK-FOR…

2004an – Nortasun moral eta juridiko osoko tresna bat sortu zen, hain zuzen ere, PLAE (Akitania-Euskadi Plataforma Logistikoa). Interes Ekonomikoko Europako Talde (GEIE) baten forma hartu tuen. Donostian du egoitza.

2009an – Bi presidenteek adierazpen komun bat egin zuten “Akitania-Euskadi” euroeskualdea sortzeko, Lurralde Lankidetzarako Europako Talde (GECT) gisa.

2011an – “Akitania-Euskadi” LLETa sortu zen (CE) 1082/2006 Erregelamendu Europarraren esparruan. Hendaian du egoitza.